संयुक्त राज्य अमेरिकामा दैनिक काेराेना संक्रमण संख्यामा नयाँ रेकर्ड

वासिङ्टन, अक्टाेबर ३१

संयुक्त राज्य अमेरिकामा दैनिक कोरोना संक्रमणमा नयाँ रेकर्ड कायम भएको छ । गत बिहीबार एकै दिन ९१ हजार भन्दा बढी नयाँ संक्रमित भटिए पछि नयाँ रेकर्ड कायम भएको हो ।

१२ वटा राज्य : इलिनोइस्, इन्डियाना, मेन, मिचिगेन, मिनेसाेटा, मिसाैरी, नेब्ब्रास्का, न्यू मक्सिको, उत्तर क्यारोलिना, उत्तर ड्याकोटा, वहिओ, ओर्गनमा एकै दिन रेकर्ड ब्रेक भएकाे रिउटर्स ट्यालीले उल्लेख गरेकाे छ ।

संक्रमण बढेसँगै अस्पताल जाने र मृत्यु हुनेको संख्या पनि बढेको छ । अक्टोबरमा तेस्रो पटक एकै दिन हजार भन्दा बढी संक्रमितको मृत्यु भएको छ ।

हालसम्म संयुक्त राज्य अमेरिकामा २ लाख २९ हाजर कोरोना संक्रमितको मृत्यु भइसकेको छ । यो विश्वको अन्य देशको तुलनामा सबैभन्दा धेरै हो ।

अक्टोबरमा मात्रै अमेरिकामा अस्पताल भर्ना हुनेको संख्या ५० प्रतिशतले बढेको छ । यो मध्य अगष्ट पछिको सबैभन्दा धेरै भएको रिउटर्स ट्यालीले जनाएको छ ।