नेपाली बजारमा आज पनि घट्यो सुन र चाँदीको मूल्य

काठमाडौँ – आज साताको दोस्रो दिन नेपाली बजारमा सुन र चाँदीको मूल्यमा गिरावट आएको छ । नेपाल सुनचाँदी व्यवसायी महासंघका अनुसार साताको पहिलो दिन प्रतितोला २३ सय रुपैयाँले घटेको सुन दोस्रो दिन आज ८ सयले घटेको छ ।
आज छापावाल सुन प्रतितोला ९२ हजार २ सय रुपैयाँमा कारोबार भइरहेको छ । यस्तै, तेजावी सुनको मुल्य प्रतितोला ९१ हजार ७ सय रुपैयाँमा कारोबार भइरहेको छ । आज चाँदीको मुल्यमा पनि तोलामा ४० रुपैयाले गिरावट आएको छ । आज चाँदी प्रतितोला १२ सय ३० रुपैयाँमा कारोबार भइरहेको महासंघले जनाएको छ ।