आज चिसो बढ्ने, हल्का वर्षा र हिमपातको सम्भावना

काठमाडौं – आज उपत्यकासहित देशका पहाडी भेगमा छिटफुट वर्षा र उच्च पहाडी तथा हिमाली भेगमा हिमपात भएको छ । जल तथा मौसम विज्ञान विभाग मौसम पूर्वानुमान महाशाखाका अनुसार सोमबार बिहान पश्चिमी वायुको प्रभावका कारण देशभरको मौसम बद्ली भएको छ । केही ठाउँमा हल्का वर्षा तथा हिमपात भएको महाशाखाले जनाएको छ ।
दिउँसो देशभर सामान्य बदली रही प्रदेश १, बागमती, गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भूभागमा हल्कादेखि मध्यम हिमपातको सम्भवना रहेको महाशाखाले जनाएको छ । यस्तै, प्रदेश १, बागमती, गण्डकी, लुम्बिनी, कर्णाली र सुदूरपश्चिम प्रदेशका केही भूभागमा हल्का वर्षाको सम्भावना रहेको छ ।