बादल केपी ओली पक्षको बैठकमा सहभागी

काठमाडौँ – नेकपाका अध्यक्ष केपी शर्मा ओली समूहको केन्द्रीय कमिटी बैठक सुरु भएको छ । बालुवाटारमा सुरु भएको बैठकमा गृहमन्त्री रामबहादुर थापा बादल पनि सहभागी भएको प्रधानमन्त्रीका प्रेस सल्लाहकार सूर्य थापाले जानकारी दिनुभयो ।
यसअघि कुनै समूहको बैठकमा नगएका बादल बिहीबार बालुवाटारमा सुरु ओली समूहको बैठकमा सहभागी हुनुभएको हो । बादल ११ बजे नै बालुवाटार पुगेको उहाँको सचिवालयले जानकारी दिएको छ । बादलसँगै पूर्व माओवादी नेता हरिबोल गजुरेल पनि बैठकमा सहभागी हुनुभएको छ ।