राजनीतिक तथा गैरराजनीतिक भिडभाड नगर्न जिप्रका काठमाडौंकाे अनुरोध

मङ्सिर १६, काठमाडौं

जिल्ला प्रशासन कार्यलय (जिप्रका) काठमाडौंले भिडभाड नगर्न काठमाडौं वासीलाई अनुराेध गरेकाे छ । पछिल्लो समय राजनीतिक तथा गैरराजनीतिक भिडभाड बढेकाे भन्दै भिडभाड नगर्न जिप्रका काठमाडौंले अनुराेध गरेकाे हाे ।

विश्वव्यापी रूपमा फैलिएकाे काेभिड १९ काे संक्रमण काठमाडौं उपत्यकामा र विषेश गरि काठमाडौं जिल्लामा तिव्र गतिमा रहेकाे भन्दै यसकाे नियन्त्रणमा सबैलाई सहयाेग पुर्‍याउन जिप्रका काठमाडौंले मंगलबार प्रेस विज्ञप्ति मार्फत काठमाडौं वासीमा अपिल गरेकाे छ ।

संक्रमणले महामारीकाे रूप धारण गरेकाे समयमा यस प्रकारकाे भिडभाड गर्नु स्थानीय प्रशासन एन, २०२८ र संक्रमण राेग एन, २०२० काे विपरीत रहेकाे पनि जिप्रकाले विज्ञप्तिमा जिकिर गरेकाे छ ।

यदि यसाे गरेकाे पाइएमा स्थानीय प्रशासन एन, २०२८ र संक्रमण राेग एन, २०२० बमोजिम कारवाही गरिने जिप्रकाकाे चेतावनी छ ।

पछिल्लो समय राजधानीकाे शान्ति वाटीका लगायत विभिन्न ठाँउहरूमा राजावादी समूहले राजतन्त्रकाे समर्थनमा जुलुस गर्न थालेका छन् ।