जनता खान नपाएर मरिरहेका छन् ,कम्युनिष्ट नेताहरु भने पदीय भागवण्डामै व्यस्त

कार्तिक १८, काठमाडौँ

देश यतिबेला विश्वव्यापी रुपमा फैलिएको कोरोना भाइरसले अस्तव्यस्त भएको छ । जनता दैनिक गुजारा चलाउन नसकेर भोकभोकै मरिरहेका छन् । देशको अर्थतन्त्र डामाडोल भएको छ । देश झन्झन् दयनीय अवस्थामा पुगेको छ । कारोना भाइरसका कारण दैनिक २० जना भन्दामाथिको ज्यान गइरहेको छ । विरामीले उपचार नपाएर छटपटाइरहेका छन् । कोरोना महामारीले देश कस्तो अवस्थामा छ ? जनताको घरमा चुल्हो बलेको छ कि छैन ? भोका नांगाहरुको अवस्था कस्तो छ ? देशको अर्थतन्त्र कस्तो छ र कसरी सुधार गर्ने ? यस्ता गम्भीर विषयमा आजकल नेपालको सरकारले कुनै छलफल गर्दैन । कोरोना कसरी नियन्त्रण गर्ने ? भन्ने ठोस कार्यक्रम छैन,जनता मरे मरुन, बाँचे बाँचन, सत्तारुढ नेकपामा यो सरकार कसरी टिकाउने र यो सरकार कसरी ढाल्ने यहीं मुख्य चिन्ता छ । नेकपाले पाँच वर्ष त सरकार जोगाउनमै खर्च गर्ने जस्तो देखियो । अहिले पनि यहीं तमासा चलिरहेको छ ।
नेपाल कम्युनिष्ट पार्टीका महासचिव विष्णु पौडेलले आइतबार सार्वजनिक ? पमै पार्टी फुट्न लागेकोले जोगाई दिन नेता, कार्यकर्तामा आग्रह गरेपछि नेकपा विभाजनको संघारमा पुगेको विश्लेषण भइरहेको छ ।
कोरोना महामारीका कारण मुलुक र जनता निस्सासिरहेको बेला नेकपाका नेताहरु चाहिँ आफ्नो व्यक्तिगत रमाइलो र स्वार्थमा केन्द्रीत हुन थालेको झल्को दिने गरी नेकपा भित्रको विवाद पटक पटक सार्वजनिक भइरहेको छ ।
कोरोना महामारी नियन्त्रण गर्न नसक्दा जनता मरिरहेका छन् । तर पनि सरकार असक्षम भएको भनेर जनता विद्रोहमा उत्रिएका छैनन् । यतिबेला नेपाली राजनीतिमा चलेको यो हानिकारक हुरी बतासले के के फेरबदल गर्छ अहिले नै भन्न सकिन्न । तर यो अनिष्टको संकेत भएको विज्ञहरुको विश्लेषण छ ।