नेकपा कार्यकर्ता चौरसिया हत्याका आरोपी तिवारी पक्राउ

कार्तिक १७, पर्सा

नेकपा पर्सा जिल्ला सदस्य मुकेश चौरसिया हत्याका मुख्य आरोपितमध्येका उत्तम भनिने निरन्जन तिवारी पक्राउ परेका छन् । प्रहरीका अनुसार भागेर भारत पुगेका उनलाई पक्राउ गरेर ल्याइएको हो ।

नेकपा गाउँपालिका स्तरीय शपथ ग्रहण कार्यक्रममा नेकपाभित्रकै दुई पक्षबीच कुटाकुट भई गम्भीर घाइते भएका चौरसियाको मृत्यु भएसँगै अस्पतालबाटै तिवारी फरार भएका थिए । तिवारीलाई भारतबाट पक्राउ गरेको पर्साकी प्रहरी प्रमुख गंगा पन्तले जानकारी दिनुभयो । घटनामा तिवारी पनि घाइते भएका थिए ।

तिवारीले मुकेश चौरसियामाथि भाटा प्रहार गरेको पीडितका परिवारले दिएको जाहेरीमा उल्लेख छ । चौरसिया हत्या अभियोगमा कात्तिक ७ गते पूर्व सभासद राजकुमार गुप्तासहित १२ जना नेता कार्यकर्ताविरुद्व सरकारी वकिलको कार्यालयमार्फत जाहेरी परेपछि अहिलेसम्म तीन जना पक्राउ परेका छन् । अन्य भने फरार रहेका छन् ।