१८ फागुन २०७७, ताप्लेजुङ
ताप्लेजुङको मेरिङदेन गाउँपालिका–३ दोभान बजारमा अागलागी भएकाे छ । आज बिहान ९ बजेदेखि सुरू भएको आगलागी अझै नियन्त्रणमा आउन सकेको छैन।
घटनास्थलमा दमकल पुगे पनि आगो निभाउन सकिएकाे छैन । आगो फैलन नदिन स्काभेटर लगाएर घर भत्काउन थालिएको छ।
स्थानीय व्यापारी भोलानाथ पौडेलको घरबाट आगलागी सुरू भएको हो। हालसम्म दोभान मनि ट्रान्सफर र ग्लोबल आइएमई बैंकसहित ४० ओटा घर पूर्णरुपमा जलेर नष्ट भइसकेको प्रहरीले जनाएको छ।
दोभान बजार सदरमुकाम फुङलिङपछिको दोस्रो ठूलो र व्यस्त बजार हो। बजारका घर एकआपसमा जोडिएका र काठका भएकाले पनि आगो नियन्त्रणमा समस्या भएको स्थानीयले बताएका छन्।