माघ १६, काठमाडौँ
नेकपाको केपी ओली समूह र दाहाल-नेपाल समूह दुबैले राजनीतिक दल सम्बन्धी ऐन अनुसार आफू आधिकारिक भएको भनेर पत्र पठाएर दाबी नगरेकोले निर्वाचन आयाेगले कुनै निर्णय नगरेकाे अायाेगका आयुक्त ईश्वरी पौडेलले बताएका छन् ।
शुक्रबार आयोगले नेकपाको दुबै समूहलाई छलफलको लागि बोलाएको भएता पनि दाहाल – नेपाल समूह सहभागी भएन । आफ्ना दुबै अध्यक्ष काठमाडौं बाहिर रहेको कारण देखाउँदै उक्त समूह सहभागी नभएकाे अायाेगले जानकारी दिएकाे छ ।
आयोगले ओली समूहका नेतासँग भने छलफल गरेकोता पनि नेकपाको आधिकारिकता बारे कुनै निर्णय नगरेकाे जनाएकाे छ ।
‘नेकपाका कोही पनि नेताले राजनीतिक दलसम्बन्धी ऐन अनुसार आफ्नो पक्ष आधिकारिक हो भनेर दाबी गर्नु भएको छैन,’ उनले भने, ‘हामीले नै तपाइँ आधिकारिक हो भनेर पार्टी फुटाइदिने कुरा आएन । अहिलेसम्म दुबै पक्षले आफूले गरेका निर्णय अध्यावधिक गरिदिनुस् चाहिँ भन्नु भएको हो ।’