कोरोना भाइरसविरुद्धको खोप लगाउन सरू

माघ १४, काठमाडौं

अाज देशभर सातै प्रदेशका विभिन्न ठाँउमा काेराेना विरुद्धकाे खाेप लगाउन सुरु गरिएकाे छ ।

भारतले अनुदानमा दिएको कोरोना भाइरसविरुद्धको खोप लगाउन आज सुरू गरिएकाे हाे ।

पहिलो चरणमा कोरोना नियन्त्रण तथा उपचारका लागि खटिएका फ्रन्टलाइनर्स (स्वास्थ्यकर्मी, सरसफाइकर्मी, संक्रमितको शव व्यवस्थापनमा खटिने सुरक्षाकर्मी, एम्बुलेन्स चालक र महिला स्वास्थ्य स्वयंसेविका) का लागि खोप लगाइनेछ।

भारत सरकारको अनुदानमा माघ ८ गते १० लाख मात्रा ‘कोभिसिल्ड’ खोप नेपाल ल्याइएको थियाे ।

काठमाडौंमा प्रधानमन्त्री केपी ओली तथा प्रदेशमा मुख्यमन्त्री तथा मन्त्रीहरुले खोप अभियानको उद्घाटन गरेका छन्।

पहिलो खोप टेकु अस्पतालका निर्देशक सागर राजभण्डारीले लगाएका छन्। प्रदेश २ मा आन्तरिक मामिला तथा कानुनमन्त्री ज्ञानेन्द्र यादवलाई पहिलो खोप दिइएको छ।

प्रदेश १ मा दुईजना डाक्टरलाई दिइएको छ। अन्य प्रदेशमा पनि स्यास्थ्यकर्मीलाई पहिलो खोप लगाइएको छ।