प्रधानमन्त्री केपी शर्मा ओलीविरुद्ध अवहेलना मुद्दा

माघ १३, काठमाडौं

वरिष्ठ अधिवक्ता कुमार शर्मा आचार्य र अधिवक्ता कञ्चनकृष्ण न्यौपानेले मंगलबार छुट्टाछुट्टै सर्वोच्च अदालतमा प्रधानमन्त्री केपी शर्मा ओलीविरुद्ध अवहेलना मुद्दा दर्ता गराएका हुन्।

प्रधानमन्त्री ओलीले ९ माघमा सार्वजनिक कार्यक्रममा प्रतिनिधिसभा विघटनविरुद्ध बहस गरेका वरिष्ठ अधिवक्ता कृष्णप्रसाद भण्डारीलाई ‘बाजे वकिलले अदालतमा तमासा’ देखाएको भन्दै टिप्पणी गरेपछि सर्वोच्च अदालतमा भइरहेको बहसलाई ‘तमासा’ भनेको र कानुन व्यवसायीको अपमान गरेको भन्दै हदैसम्मको सजाय माग गरिएको छ।

अवहेलना मुद्दाको लागि वरिष्ठ अधिवक्ता आचार्य आइतबार नै अदालत पुगेका थिए। सर्वोच्चले तीन दिनपछि आज मुद्दा दर्ता गरेको छ।