कोरोना विरुद्धको अष्ट्रेलियन खोप नेपालमा परीक्षण गरिँदै

काठमाडौँ अस्ट्रेलियन कम्पनी इन्टरनेसनल भ्याक्सिन इन्स्टिच्युट (आइभीआई) को सहयोगमा चीनमा उत्पादन भएको खोप नेपालमा क्लिनिकल ट्रायल गर्ने तयारी थालिएको छ ।
मन्त्रिपरिषद्ले स्वीकृति दिएमा केही साताभित्रै नेपालमा आइभीआईको सो खोपको क्लिनिकल ट्रायल शुरू गर्ने बताइएको छ । तेस्रो फेजको क्लिनिकल ट्रायल बिरामीलाई नभई स्वस्थ व्यक्तिमाथि गरिने र त्यसको प्रभावकारिता हेर्ने बताइएको छ ।
नेपालमा कोरोना विरुद्धको खोपको तेस्रो फेजको क्लिनिकल ट्रायल निम्ति तयारी भएपनि सो खोपको फस्ट फेज र सेकेण्ड फेज ट्रायल यसअघि अष्ट्रेलियामा नै भइसकेको बताइएको छ । यो खोप हाल १२ देशमा क्लिनिकल ट्रायल भइरहेको र त्यसमध्ये नेपाल पनि एक रहेको अधिकारीहरूले बताएका छन् । क्लिनिकल ट्रायलका लागि त्रिवि शिक्षण महाराजगञ्ज र धुलिखेल अस्पताल छनोट भएको अधिकारीहरूले बताएका छन् ।