गतिशिलताको डुंगा अगाडि बढिसकेको प्रधानमन्त्रीकाे जिकिर

पुष १५, काठमाडौं

सत्तारुढदल नेपाल कम्युनिस्ट पार्टी ( नेकपा ) ओली समूहले बबरमहलस्थित एक पार्टी प्यालेसमा आयोजना गरेको सुदूरपश्चिम प्रदेशस्तीय अगुवा कार्यकर्ता भेलालाई सम्बोधन गर्दै प्रधानमन्त्री केपी शर्मा अाेलीले गतिशिलताको डुंगा अगाडि बढिसकेको बताएका छन् ।

‘’डुंगा अगाडि बढ्न नदिने, पछाडि तानिराख्ने काम भइरह्यो।” उनले दाहाल – नेपाल समूहलाई लक्षित गर्दै भने, ”अब उहाँ थाक्नुभयो, डुंगा छाडिदिनुभो, हामी अगाडि बढ्यौं।’’

पुष्पकमल दाहाल मान–अपमानको कुरामा अल्झिएको भन्दै ओलीले भने मान गरेनन्, अपमान गरे भन्नेमा ध्यान छ देश विकासमा केको ध्यान हुन्थ्यो !

हिजो मंगलबार प्रदर्शनीमार्गमा आयोजित सभामा दाहालले ओलीले आफूलाई गरेको अपमानको फेहरिस्त सुनाएका थिए।