प्रतिनिधि सभा विघटन गर्ने सरकारको असंवैधानिक कदम विरुध्द पुस १३ गते प्रदर्शनमा सहभागी बन्‍न काङ्ग्रेसले गर्‍यो अपिल

पुष ११, काठमाडौँ

प्रमुख प्रतिपक्षी दल नेपाली कांग्रेसका सभापतिले प्रतिनिधि सभा विघटन गर्ने सरकारको असंवैधानिक कदम विरुध्द पुस १३ गते प्रदर्शनमा सहभागी बन्‍न अपिल गरेका छन् ।

उनले शनिबार विज्ञप्ति जारी गर्दै सबैमा सक्रिय सहभागिताका लागि त्यस्तो अपिल गरेका हुन् ।

कांग्रेसले पुस १३ गते १६५ निर्वाचन क्षेत्रमा विरोध प्रदर्शन तयारी गरेकाे छ ।

‘जारी केन्द्रीय कार्यसमितिको बैठकमा म आफैले १३ गते प्रदर्शन गर्ने प्रस्ताव गरेर, केन्द्रीय कार्यसमितिको निर्णय पश्‍चात अहिले हाम्रो सम्पूर्ण ध्यान प्रदर्शनमा केन्द्रित छ,’ देउवाद्वारा जारि विज्ञप्तिमा उल्लेख गरिएकाे छ’ पार्टीका सदस्य, शुभचिन्तक र सबै लोकतन्त्रवादीलाई विरोध प्रदर्शनमा सरिक भएर असंवैधानिक र अलोकतान्त्रिक कदमका विरुध्द ऐक्यबध्दता प्रकट गर्न अपिल गर्दछु ।’

देउवाले विघटनकै दिन पार्टीका वर्तमान र पूर्वपदाधिकारीहरूको बैठकबाट विघटनलाई असंवैधानिक र अलोकतान्त्रिक ठहर गरिसकेको उल्लेख गर्नुका साथै संविधानमा भएको व्यवस्था प्रतिकुल, जनभावनाविपरीतको कार्यविरुध्द कांग्रेस सम्पूर्ण रूपले एकमत साथ उभिएको भनाइ अभिव्यक्त गरेका थिए ।