आज काठमाडौं उपत्यकामा यस वर्षको अहिलेसम्मकै चिसो,१ दशमलब ३ डिग्री सेल्सियस मापन

काठमाडौँ – आज काठमाडौं उपत्यकामा यस वर्षकै अहिलेसम्मकै कम तापक्रम मापन भएको छ ।जल तथा मौसम विज्ञान विभागका अनुसार शनिबार बिहान पौने ६ बजे उपत्यकाको न्यूनतम तापक्रम १ दशमलब ३ डिग्री सेल्सियस मापन भएको छ । यसअघि पुस ३ गते उपत्यकाको तामक्रम १ दशमलब ६ डिग्री सेल्सियस मापन भएको थियो ।
मौसम सफा भएर आकाश खुलेको कारण चिसो बढेको विभागले जनाएको छ । उपत्यकाको आजको अधिकतम तापक्रम २० डिग्री सेल्सियसम्म पुग्ने अनुमान गरिएको छ । अहिले तराईका भू–भागका थोरै स्थानमा बाक्लो हुस्सु र कुहिरो लागेको छ भने बाँकी स्थानको मौसम सफा रहेको छ ।