३ प्रहरी परे निलम्बनमा

मङ्सिर १७, कर्णाली

प्रदेश ट्राफिक प्रहरी कार्यालय, कर्णालीमा रहँदा अनियमितता गरेको अभियोगमा ३ जना प्रहरी निलम्बनमा परेका छन् ।

निलम्बनमा पर्ने नेपाल प्रहरीका दुई एसपी र एक जना इन्स्पेक्टर छन् ।

प्रदेश ट्राफिक प्रहरी कार्यालय, कर्णालीमा रहँदा अनियमितता गरेको अभियोगमा प्रहरी प्रधान कार्यालय, नक्सालले दुई जना प्रहरी उपरीक्षक (एसपी) लाई निलम्बन गरेको हो।​

एसपीद्वय रामेश्वर यादव र विमल बस्नेतलाई निलम्बन गरिएको केन्द्रीय प्रहरी प्रवक्ता एसएसपी वसन्त कुँवरले जानकारी दिए।

यस्तै प्रहरी निरीक्षक मेघराज प्रसाद चौरसियालाई पनि निलम्वन गरिएको उनले जानकारी दिए । उनीहरुमाथि छानविन अघि बढाइएको छ।