कुकुरसँग खेल्ने क्रममा नवनिर्वाचित अमेरिकी राष्ट्रपति जो बाइडेन घाइते

काठमाडौँ – नवनिर्वाचित अमेरिकी राष्ट्रपति जो बाइडेन घाइते भएका छन् । उनी आफ्नै कुकुरसँग खेल्दा घाइते भएका हुन् । डाक्टरहरुले जारी गरेको विज्ञप्तिमा बाइडेनको खुट्टामा ‘हेयरलाइन फ्याक्चर भएको केही हप्तासम्म वाकिङ बुट आवश्यक पर्ने बताइएको छ । उनी आफ्नो कुकुर मेजरसँग खेल्ने क्रममा चिप्लिएका थिए ।
यसअघि बाइडेनको अफिसले कुकुरसँग खेल्दा कुर्कुचा मर्किएपछि डाक्टरसँग जाँच गराउने बताएको थियो । यसैबीच, अमेरिकी राष्ट्रपति डोनाल्ड ट्रम्पले ट्वीट गर्दै बाइडेनको स्वास्थ्यलाभको कामना गरेका छन् । गत नोभेम्बर २० मा आफ्नो ७८ औँ जन्म दिन मनाएका बाइडेन अमेरिकाको इतिहासमा सबैभन्दा बृद्ध राष्ट्रपति बन्न लागेका छन् ।