पाेखरामा प्याराग्लाइडिङ् दुर्घटनामा पाईलटको मृत्यु

मङ्सिर ९, पोखरा

पाेखरामा प्याराग्लाइडिङ् दुर्घटना हुदाँ प्यारा पाईटलको मृत्यु भएको छ । सोमबार दिउँसो १ बजे भएको दुर्घटनामा लेकसाइड बस्दै आएका पोखरा-२८ कलिकाका ३८ वर्षीय राजु गैरे नेपालीको मृत्यु भएको हो ।

घटनामा उनीसँगै उडेकी बुढानीलकण्ठ नगरपालिका वडा नं. २ कि २८ वर्षीय शिला श्रेष्ठ गम्भीर गाइते भएकी छिन् ।

कास्की प्रहरीका प्रवक्ता डीएसपी सुवास हमालका अनुसार फेवातालको सिरान खपौदी क्षेत्रमा ल्यान्ड गर्ने क्रममा सोमबार दिउँसो ल्यान्डिङ एरिया भन्दा झन्डै डेढ किलोमिटर माथि जमिनमा प्याराग्लाइडिङ दुर्घटनामा परेको थियो ।

दुवैजनालाई उपचारका लागि सिर्जना चोकस्थित मेट्रोसिटी अस्पताल पुर्‍याइएकोमा नेपालीलाई चिकित्सकले मृत घोषण गरेका थिए । छाति र खुट्टामा चोट लागेकी घाइते श्रेष्ठको अवस्था गम्भीर रहेको प्रहरीले जनाएको छ ।