नेपालमा थप १६७४ जनामा कोरोना संक्रमण पुष्टि

काठमाडौँ – नेपालमा शनिबार थप १ हजार ६७४ जनामा कोरोना संक्रमण पुष्टि भएको छ । यससँगै नेपालमा कुल संक्रमितको संख्या २ लाख १८ हजार ६३९ पुगेको छ । स्वास्थ्य तथा जनसंख्या मन्त्रालयले नेपालमा थप १६७४ जनाको कोरोना परीक्षण रिपोर्ट पोजेटिभ आएको जानकारी गराएको छ ।
गत २४ घण्टामा २ हजार ३२३ जना डिस्चार्ज भएका छन् भने आजसम्म डिस्चार्ज हुनेको संख्या १ लाख ९३ हजार ३२५ पुगेको छ । आज कोरोना भाइरस कोभिड – १९ बाट थप ७ जनाको मृत्यु भएको छ । योसँगै मृतकको संख्या १ हजार ३०५ पुगेको छ । शनिबार पीसीआर विधिबाट ८ हजार १४४ जनाको कोरोना परीक्षण भएको छ ।