कांग्रेसको केन्द्रीय कार्यसमिति बैठक पाँचौँपटक स्थगित

कात्तिक २७, काठमाडौँ

आज भनिएको प्रमुख प्रतिपक्षी दल नेपाली कांग्रेसको केन्द्रीय कार्यसमिति बैठक पाँचौँपटक स्थगित भएको छ । बैठक भोलिसम्मका लागि स्थगित गरिएको पार्टी कार्यालयका मुख्यसचिव कृष्णप्रसाद पौडेलले जानकारी दिनुभयो ।

उहाँका अनुसार अब भोलि दिउँसो १ बजे कार्यसमितिको बैठक बस्नेछ । पार्टीभित्रको विवादका कारण कांग्रेसको केन्द्रीय कार्यसमिति बैठक डेढ महिनादेखि बस्न सकेको छैन । विवादित विषयमा शीर्ष तहमा सहमति भएपनि तयारी पूरा नभएकाले बैठक सारिएको कांग्रेस नेताहरूको भनाइ छ ।