पूर्वमन्त्री भीमप्रसाद गौतमको ७२ वर्षको उमेर आज निधन

कात्तिक २७, काठमाडौँ

पूर्वमन्त्री तथा जनता समाजवादी पार्टीका केन्द्रीय सदस्य भीमप्रसाद गौतमको ७२ वर्षको उमेर आज बिहान निधन भएको छ ।
तनहुँको बन्दीपुर गाउँपालिका-१ पिप्लेका गौतमको आफ्नै घरमा निधन भएको हो । करिब १५ दिनदेखि निमोनियाबाट ग्रसित गौतमको केही समयअघि अस्पतालमा उपचारपश्चात घरमा ल्याई राखिएको थियो । गौतम पूर्व भूमिसुधारमन्त्री, संविधानसभा सदस्य एवं तनहुँको कम्युनिस्ट आन्दोलनका अगुवा नेता हुनुहुन्थ्यो । गौतमका श्रीमती, दुई छोरा र चार छोरी छन् ।