आन्तरिक विवाद हल गर्न कांग्रेसका शीर्ष नेताहरुको बैठक आज पनि बस्दै

काठमाडौँ – आज पनि प्रमुख प्रतिपक्षी दल नेपाली कांग्रेसको शीर्ष नेताहरुको बैठक बस्दै छ । आन्तरिक विवाद हल गर्न कांग्रेस शीर्ष नेताको बैठक हिजो पनि बसेको थियो । हिजोको बैठक बिनानिष्कर्ष टुंगिएपछि बैठक आज पनि बस्न लागेको हो । विवाद नमिलेपछि फेरि आजका लागि डाकिएको केन्द्रीय समिति बैठक पनि सरेको पार्टी मुख्यालय सानेपाका मुख्यसचिव कृष्णप्रसाद पौडेलले जानकारी दिनुभयो । केन्द्रीय समितिको बैठक २४ गतेलाई सारिएको छ ।