बोक्सीको आरोपमा आफ्नै छोराद्वारा आमाको हत्या

कार्तिक १६ , सिराहा

बोक्सीको आरोपमा आफ्नै छोराद्वारा निर्घात कुटिएकी ९० वर्षीया सुदामादेवी साह सोनारको मृत्यु भएको छ । सिराहाको कर्जन्हा नगरपालिका–३ की ९० वर्षीया सोनारलाई आफ्नै छोराले बोक्सीको आरोपमा कुटपिट गरेर मलमूत्र खुवाउने प्रयास गरेका थिए ।

छोराको कुटपिटबाट गम्भिर घाइते भएकी उनलाई सुरुमा उपचारका लागि जनकपुर लगिएको थियो ।  कुटपिटबाट उनको घाँटी थिचिएको र घाँटीको हड्डी मोडिएकोले ९० वर्षको उमेरमा हड्डीको सुधार नहुने भन्दै अस्पतालले डिस्चार्ज गरिदिएको थियो ।

बृद्धाको स्वास्थ्य अवस्था गम्भिर बनेपछि थप उपचारका लागि उनलाई सिराहा अस्पताल पु¥याए लगत्तै मृत्यु भएको जिल्ला प्रहरी कार्यालय सिराहाले जनाएको छ । सिराहा प्रहरीका अनुसार आमालाई कुटपिट गर्ने कान्छो छोरा राम अवतार साहलाई पक्राउ गरी थप अनुसन्धान थालिएको छ ।

पतिको निधनपछि उनी एक्लै बस्दै आएकी थिइन् । दुई छोरा आ–आफ्नो परिवारसहित अलग रहेको र तीन छोरीहरुको विवाह भएपछि बृद्धा एक्लै बस्दै आएकी गाउँलेहरु बताउँछन् ।