नेपालमा एकै दिन ४ हजारभन्दा बढी संक्रमण मुक्त

कार्तिक ११, काठमाडौं

स्वास्थ्य तथा जनसंख्या मन्त्रालयकाे सोमबारको तथ्याङ् अनुसार पछिल्लो २४ घण्टामा ४ हजार ५ जना कोरोना संक्रमित संक्रमण मुक्त भएका छन् । यो समेत नेपालमा कोरोना संक्रमण मुक्त हुनेको संख्या १ लाख १५ हजार ६ सय ७५ जना पुगेको छ ।

यस्तै नेपालमा पछिल्लो २४ घण्टामा १ हजार ७ सय ४१ जना कोरोना संक्रमित थपिएको मन्त्रालयको आधिकारिक वेबसाइटमा उल्लेख गरिएको छ । यसँगै हालसम्म संक्रमण पुष्टि हुनेको कुल संख्या १ लाख ५९ हजार ८ सय ३० पुगेको छ ।

पछिल्लो २४ घन्टामा थप १५ जना कोरोना संक्रमितको मृत्यु भएसँगै कोरोना संक्रमणबाट मृत्यु हुनेको कुल संख्या ८ सय ६२ पुगेको मन्त्रलयको वेबसाइटमा उल्लेख गरिएको छ । नेपालमा हाल ४३ हजार ३ सय २३ जना कोरोना भाइरसको सक्रिय संक्रमित छन् ।