नेपालमा कोरोना संक्रमण मुक्त हुनेको संख्या एक लाख नाघ्यो ।

नेपालमा कोरोना संक्रमण मुक्त हुनेको संख्या एक लाख नाघेको छ । स्वास्थ्य तथा जनसंख्या मन्त्रालयको नियमित पत्रकार सम्मेलनमा जनाइए अनुसार पछिल्लो २४ घन्टामा ३२ सय १५ डिस्चार्ज भएसँगै संक्रमण मुक्त हुनेको संख्या १ लाख नाघेको हो । हालसम्म संक्रमण मुक्त हुनेको कुल संख्या १ लाख २ हजार ८२० पुगेको छ ।  

पछिल्लो २४ घन्टामा ३६ सय ३७ जना कोरोना संक्रमित थपिएका छन् । योसँगै देशभरको कुल संक्रमित संख्या १ लाख ४८ हजार ५ सय ९ पुगेको छ ।

मन्त्रालयको प्रवक्ता जागेश्वर गौतमका अनुसार सक्रिय संक्रमितको संख्या ४४ हजार ८ सय ७७ रहेको छ भने पछिल्लो २४ घन्टामा थप २१ जनाको मृत्यु भएसँगै कोरोना संक्रमणबाट मृत्यु हुनेको संख्या ८१२ पुगेको छ । 

हाल २९० जनाको आइसियूमा र ७७ जनाको भेन्टिलेटरमा उपचार भइरहेको प्रवक्ता गौतमले जानकारी दिए ।